Teknologi- og industrifag er ei yrkesfagleg utdanning. Her kan du mellom anna lære meir om maskinar, produksjonsprosessar, automatisering og programmering av robotar. Etter 2 år i skule kan du søkje om læreplass for å ta fagbrev. Du kan også ta påbygging til generell studiekompetanse før eller etter læretida.
Verkstaden til Høyanger vgs. er blitt oppgradert med mykje nytt ustyr. Vi har mellom anna kjøpt inn heilt nye verktøytavler og skap, slik at orden og reinhald vert lettare. Vi har og investert i robotar og eit moderne sandblåsarkabinett, som vi nyttar i undervisninga. Det er viktig at skulen er oppdatert på maskiner og utstyr slik at du blir godt rusta når du går ut i lære eller tek vidare utdanning.
