Litt om skulen vår

Høyanger vidaregåande skule held til i eit moderne skulebygg sentralt i Høyanger, tett ved Høyangerbadet og idrettsanlegget. Vi har 156 elevplassar og er omlag 30 tilsette. Vi tilbyr programområda studiespesialisering, elektro- og datateknologi, teknologi- og industrifag, kjemi- og prosessfag samt påbygg. For vaksne kan vi tilby modulstrukturert fag- og yrkesopplæring innan helse (MFY).

Miljøet på skulen vår

Det er viktig for oss at du skal trivast på skulen. At skulen er liten gjer det lettare for deg å bli kjent med andre elevar og dei tilsette. Vi er opptatt av at miljøet ved skulen er trygt og godt for alle og at alle er hyggeleg mot kvarandre.